Setšhaba sa Tumong se wetšwe ke leru le lesoleso. Makgarebjana a mabedi a nyameletše mosegare wa sekgalela. Mosima le Mokgadi ba be ba ile ditšieng ge ba kopana le banna ba ba thopago. Maikemišetšo a banna bao a tloga a šiiša namana tša mmele. Afa Mosima le Mokgadi ba tla kgona go phologa kotsi ye ba lebanego le yona ka nako pele setšhaba sa gabo bona se melelana meno a ka godimo?
Baanegwa (Characters):
1. Mosima: lekgarebe la mengwaga e lesomehlano, morutwana.
2. Mokgadi: lekgarebe la mengwaga e lesometshela, mogwera wa Mosima.
3. Thabang: lesogana la mengwaga e masomepedi-tee, mogolo wa Mosima.
4. Josefa: lesogana la mengwaga e masomepedi, mogolo wa Mokgadi, mogwera wa Thabang.
5. Mmago Mosima: mosadi wa mengwaga e masometharo-senyane, motswadi wa Thabang le Mosima.
6. Mmago Mokgadi: mosadi wa mengwaga e masomenne, motswadi wa Josefa le Mokgadi.
7. Moruti Phaahla: Monna wa mengwaga e masomehlano, moruti wa motse.
8. Josefate: monna wa mengwaga e masomenne-šupa, senokwane, moetapele wa setšhaba.
9. Realotšha: monna wa mengwaga e masomenne-tshela, mohumi, senokwane.
10. Semaumau: monna wa mengwaga e masomenne-nne, rakgwebo, senokwane.
11. Lefokisi Senepe: lephodisa la mengwaga e masometharo-tshela.
12. Thabiso: lesogana la ngwaga e lesomeseswai, lesogana la Mosima.
13. Moswa: lekgarebe la ngwaga e masomepedi-nne.
14. Ngaka Nkarabe: monna wa mengwaga e masomenne-senyane, nkadingala.
15. Morena Phalane: monna wa mengwaga e masomehlano, rakgwebo.
Lefelo la tiragatšo (Setting):
Tiragatšo ye e direga motsaneng wa Tumong. Ke motsemagaeng, mo e lego gore bontši bja badudi ga ba šome, ebile le dikgaruru di iphile maatla.