Umlomo litjhoba lokuziphungela.

Alo!  ningi solani, nangizi phungelako.

 Ngenza umlandu na, nangizibangula iliva?

Inyathelo leli litjhisa mina musi.

Ngizakuledlha njani ngigugunyeka.

Ukuhlala siphere, sekwaba lisiko lami.

Angeze ngisabasola, abatjhemulako.

Isibabo siyabababela kuyatjho.

Kumiphumela yokuvala ngesidekiselo

Senye imbiza kungatlhogeki.

Kazi, ngirhitjheke kwaba buhlungu tle!

Namadorofiya ahlaba bhedere kune pilo le.

Kungenza ngirhalele ipilo kamege.

Ngitjho nejogi lekomo alisi budisi nje.

Abantu nabo batjhiswa ngezabo.

Angibasoli ngokuqala eqadi, kubudisi.

Baphara amadiye eqadi, abazenzi.

Umtloli: Themba Emanuel Mashobane