Ziye zaya zayela amasolokohlo.

NeNdubazi angeze yakutjela.

Ngithe ngiyayiphatha nami.

Bangithembisa iMdutjana.

Ngakhumbula isililo sendoda.

Sirhuwelela Emkobola ngindlula.

NekwaMnyamana ingayifakaza lendaba.

KaMampuru ngokuginya iNgwenyama.

Nanje ngisakhela umkhanyo tjhuba lela.

Lapha kwatjhinga khona

Umbuso wakwaNdebele.

Ngisatjho ngithi bona ziinyoni,

Ezakhele ngeensiba zeenyoni ezinye.

Kghani hleze iLibuwa ingangidembela bhedere.

Njengombana sekwajama iMbombela.

Kanti zisiphunyurhe njani kwelekhethu.

Njengombana sitjhuguluke amapragana.

Zaziyokufunani kwasekuthomeni

Kezepolotiki yesimodeni.

Nasele zibuya zithwele iimkhono ehloko.

Umtloli: Themba Emanuel Mashobane