YIBA NGOPHELELEYO.

Mzukulu qonda impilo.

Mzukulu phelela kuNkulunkulu.

Uth’umdali encwadi yakhe phelela,

Uthi yiba ngopheleleyo,

Uthi thanda umakhelwane wakho,

Uthi thanda izithazakho,

Uthi bakhulekele abakuzondayo,

Yiba ngopheleleyo Mzukulu.

Mzukul’ungalwi nabakuzondayo,

Mzukulu babeke kuMdali abakukhaphelayo,

Zingagcwal’igaz’izandla zakho,

Nez’eth’izandla zigcwele lona Mzukulu.

Sasibadweba ngemimese sibaciba nangemikhonto.

Sasiyihloma impi Mzukul’ihlasele.

Unkulunkulu akashetshwa.

Nguye oqobayo kukho konke,

Konke kwaziwa Nguye.

Cela ukuphil’isikhathi eside.

Cela kuMdali alothis’amandl’ababi,

Cela kuMdali akufake ngaphansi komjiva wakhe.

Khuleka ngamandl’ungalali ungakhulekanga,

Khulekangamandl’ungaqal’usuku ungambikelanga,

Khulekela isihe nesineke,nokubekezela.

Libi izwe Mzukuliwami Nami sengikuvikela ngawokugcina,

Libi izwe Mzukulu bayasishintsha basigilis’imikhuba,

Libi izwe mzukulu senijikelwa yith’uqobo.

Libi lichelwa ngeNtelezi,

Libi libuswa ngomubi.

Themba kuNkulunkulu Nguye kuphela ozokunqobela.

Ibhalwe uMakhosazane Ndwandwe Shwala