Ngethwasa hlobo, 

Amakarana nakawako emthini.

Akutjho bona umuthi kuphelile ngawo.

Akutjho bona sekuphelile ngepilo.

Kodwana kuhlathulula kokubelethwa kwepilo etja, ukubelethwa ngabutjha.

Ipilo isaraga ngetjhuguluko.

Itjhuguluko ayisimnandi,

Kodwana itjhuguluko iyatlhogeka.

Itjhuguluko yinto ehle, noma ingatjhejeki ngalesosikhathi.

Umuthi uqaleka unganapilo ebusika.

Uqaleka unyazekile, kuphelile ngawo.

Kodwana linda wena kube yithwasahlobo.

Uzawabona amakarana ahlazana, atlhurha emthini godu kwanga mlingo.

Lapho sele bahlekile bathi angeze kusenzeka.

Umlingo wenzeke ka Zimu.

Ngombana atjhilo bona ngizodega itafula phambi kwezitha zenu.

Angeze nalala ngendlala, ngizohlala nginondla.

Qala iinyoni, iintjalo.

Qala ibhoduluko.

Ungakhohlwa kuqala ilanga,

Umoya lo owuphefumulako.

Qala koke okuseduze kwakho nakude le.

Ngizohlala nginawe ngasosoke isikhathi,

Sithembiso leso esivela ku Zimu.