Ndiyingongoma kwingoma zakwaXhosa,
Ndirhoqoz’ekubhaleni imibongo ndibhebhethis’utsha,
Ndifika beloqa ngam ndibashiye bexhel’exhukwana.
Igama lam ndingu Inzima,
Amandl’amokubhal’ayifihlo,
Amandla aphants’ikomgqub’omnyam’ongqung’ixhathi,
Ndim u-inzima kuthiwa ndinzima.
Ndithath’ipeni ndiyenzusiba,
Ndibhal’imibongo bandibiz’imbong’osiba,
Ndim ichiza labantsu ,
ndim inyange labantsundu.
Hlabelelani magqiyazana,
Khan’itshwikhwelo bafondini,
Ndiyinkunz’ebilibunzi,
Phantsi kwalomthunzi ndingumavula kuvaliwe,
Ndim u-Inzima ndibabaziwe.
Inzululwazi eyakhamaxaka ngokuzingca,
Ixhos’ixhosa okomXhosa,
Kutsho kuxhwelek’amanxila ngumxholo,
Sukan’ebaleni ndingene ndim u-Inzima.