Mme, motswadi wa ka!
Motho wa ho tshwara thipa ka bohaleng,
motho a sa tshabeng dikgang,
motho a tjheleng meokgo,
motho a mokokotlo o sephara,
’me mokokotlo wa setjhaba.

Wa nkgodisa ha boima, ’me motswadi!
Ke a leboha, o mphile lerato.
Ha ke lla, wa mphumula meokgo, wa ntlhokomela ka lerato.
Ke tla dula ke o leboha, ka nako tsohle.

Ke na le ’me wa setjhaba, ke na le ’me a mphang matla ka nako tsohle.
Ke a o rata, o motswadi wa ka,
ha ayo ya tshwanang le wena,
o hana bohle ba mphetohetse,
o eme ka maoto, o a ntshehetsa,
o mpha matla, o mpontsha lerato.

Wa ntshirelletsa, fatsheng lena le meutlwa,
ka wena ke fetohile motho wa sebele,
nka o lebala jwang, ka lahla lefa?
O mphile lerato, rato la ’me le phethahetseng,
rato la ho nkgodisa.
Ke a leboha ’me motswadi.