Iintshele zenu ziyadanisa.

Umrhobholo wenu uyadanisa.

Ukuninana kwenu kusomiso.

Ubutjharaganisi benu bumuhlwa.

Abanyariyileko angibasoli.

Abangene njenge khebuli phasi,

Kungembangela yemsebenzi yenu.

Ingani naboMkangala balila ngani.

ZamaHlubini nazo zikhomba nina.

Abo Mletlana balila ezimathosi ngani.

AmaNala nawo niwahlubukile.

Iinkhonkhwani esimaqalanga,

Azakhe zawubethela umuzi.

Ingwenyama ziyakhuselana.

Alo! Nina kubayini niyihlanakela.

Nande ngokunghwarana egamini lesikhethu.

Ziyakghabhudlheka ngezikubona kini.

Ukurhatjheka kwesitjhaba samaNdebele.

Kufana patsi! Nokurhatjheka kwesphila.

Kuba likhuni ukusibuthelela ndawonye.

Isigodlo sakho asingakwenzi uzikhethulule.

Ubuhlanga bakho abungatjhabalalisi Ubuntu.

Uzabanjwa sibhorho ungakalindeli.

Izenzo zokubhodla indlala zineemthelela.

Ziyelela uzigadunge isitjhaba zamaNdebele.

Sivele njengombala sirhabise ubuNdebele.

Umtloli: Themba Emanuel Mashobane