O lebeletše?
Nonyana phakuphaku, e fofetše pele
Kganthe go wena go pala kae,
Ga o fele o ba elelelwa, ge ebile ba le kaaka?
O lomilwe ke wa mohuta ofe, ge o ilalo le yona o a e makatša.
O llelang, o sa o katoge
Ka ge e le sehlare sa wona?
Makgarebe o farafarile
Ge e le tša ‘go ga di mmolaiše pelo.
Lehutšo ke la eng
Ge o sa ngangabetše
Namane ya morago
Bolwetši bo le kaaka?
Di tlogelele beng ba tšona.
O dihlong, ga o tsebe ge e le bafeti?
O ba kganyeditše ge o sa itatswa menwana,
Lehono o re ba lle le wena.
O be o re ke tša bokgarebe
Di go kakatletše,
Hleng, nankhono di go katogile?
Holofela ankere a pšhele o a lebeletše.
Sefahlego sa gago mašošo ke ya eng?
Ya bongwale le bokgwale e aloga neng?
Tswapolla, o tšwe ka wa seloko
Di sa go dumelela, ngwanešo!
Ge e le bokgarebe bo go katogile
O bo ahlametše, Molato ke wa gago.
Nonyana e ile, mafofa o tla swametša kae?
Nonyana e ile, ngwanešo amogela!
Ga go bokaone bja go phala ge a go hlalletše –
E ile le meno a yona.