Sengikhale zoma ngenkondlo yami,

Inkondlo yami engafundwanga,

Inkondlo yam’engazange yahaywa,

Sengiliphosil’ithawula ngezinkondlo,

Nongalo vuk’ubhale isizwe silambile,

Silambel’izinkondlo zakho Nongalo,

Ngavuka ngabhala ngoba kush’udali,

Ngalibala indaba enkulu,

Ukuhlehla kwenqam’akush’ukubaleka,

Ngenkondlo ngzonixoxel’izindab’ezinkulu,

Ngenkondlo ngizobhodl’okungaphakathi,

Ngenkondlo ngizonelapha ngaphakathi,

Lomuzwa wenkondlo usuka ngaphakathi,

Ngaphakathi kimi kuphila lenkondlo,

Ngibhal’inkondl’engiyizwa ngaphakathi,

Okungaphakathi ngizokukhipha ngenkondlo,

Ngalenkondlo angeke ngifele ngaphakathi,

Ngibhala lezinkondlo ngithunyiwe,

Ngiyabonga themba lami,

Ukub’useduze bengizokuqabul’isiphongo.

Ngenkondlo yami bebethi kuphelile,

Ngenkondlo nami bengithi kuphelile.

Nongalo vuk’ubhale isizwe silambile,

Ngesicelo sikaMdolomba ngibhalile,

Zisencane lezinkondlo engisazibhalile,

Angisazikhaleli nalezi ezingahayiwe.