Ungiyengile, ngayengeka.

Wangimemela emadilini akho aphakeme.

Wangincenga ukuba ngithokoze ngawe,

Nokho intokozo yakho inentengo ephezulu.

Kuthe noma ngithi ngiyayicinga intuba yokuphuma yabe ivaliwe, ngajolijoliza.

Ngizamile ukuzikhulula, kwashukuthi ubishi ongifake kulo lujulile

Ngizamile kaningi ukuhlukana nawe,

Kepha wena ubulokhu ungisabisa ngokuthi ngaphandle kwakho ayikho injabulo kimi.

Kuthe noma ibibukhali ingqondo yami ezifundweni,

Kepha wena wayithikameza yaba buthuntu.

Bangixhwayisile kaningi, ningi abafowethu nodadewethu nabazali.

Ngazishayindiva izeluleko zabo, nami bengingasazenzi.

Inkinga besengibanjiwe ogibeni lomcuphi,

Lingasekho ithemba kimi ngekusasa.

Kaningi ngiyilimazile impilo yami.

Kaningi uyithelile ngehlazo impilo yami.

Wonakalisile isimilo, wangenza ikuba ngimbule ubuze bami phambi kwabantu.

Angabananhloni, ngalahlekelwa nawukuzazisa nenhlonipho.

Kaningi isithunzi sami usidicilele phansi.

Wagiya ngethambo lami.

Izikweletu zangisibekela, zenza yabamuncu impilo yami,

Angabe ngisakuthokozela ngisho nokuphila.

Ungixabanisile nabaningi ngobudlova bakho.

Bheka nomuzi wami uwuchithile.

Wawenza wabuthakathaka umzimba wami.

Ngithe ngiya kodokotela bangitshela ukuthi isibindi sami asisasebenzi kahle.

Ngathi ngisalalele lokho bangitshela ukuthi nginomdlavuza.

Kabasengathi umhlaba ungisibekele, 

Ubalekisile ukukhanya kimi.

Masinyane ngazisola, ngazibona iziphambeko zami.

Emva kokulahlekelwa okungaka,

Ngazizwa nginethemba ngosizo lwezihlobo.

Ngazimisela ukushintsh’ impilo yami.

Masinyane isibindi sangisibekela,

Kungathi izwi loMdali lithi buya ntwana olahlekile.

Ngazizwa nginamandla okufohla ngaphule imigoga yakho.

Ngaba ukusithath’ isinqumo, ngazizwa nginokuthula nethemba,

Nomqondo wami wabuyela kimi.

Ngazizwa ngingokhululekile impela.

Ngibonga ikuthi umphefumulo wami awubanga namandla okuwususa kimi.

Umphefumulo wami usindile.

Njengenyoni ogibeni lomcuphi, ugibe lwaphukile.