Inhliziyo yam ingiholela ophathe

Ifuna ngenze okuzongikhalisa ekugcineni.

Abazali bam bangeluleka imihla namalanga

Kodwa yona ithi ngingabaleleli.

Ithi angibatshele ngangingekho ngesikhsathi sabo

Noma kwakungelula ngoba ngizalwa yibo.

Ingishiya nginombuzo ongenampendu

Othi kuyenzeka yini ingane ilingane nabazali?

Ngibabonile abangaphambili beshabalala

Ngokungalaleli abazali boba bebayala.

Zibothokile ziphelile ingane zakwethu

Utshwala buziphendula amakhehla angemakhehla.

Bagonile odadewethu ungafung’baphezibham

Abasabonwa nangokhalo ababazalisa.

Zingcole zedlula ngisho uhlanya ingan’zobaba

Ungafunga zikhand’moto kanti zizidakamizwa.

Ngizobangcono ngani mina

Uma ngingafundi isifundo kubo na?

Kungani nhliziyo yam ufuna ngiphenduke

Ngibe isaliwa kutshelwa son’sibonwa ngomopho?

Ngiyeke ezandleni zabazali bam

Ngingabi uhamba juba bayok’qhutha phambili.

Izindlebe zam azingaphenduki amagwagwa nje

Angenamsebenzi adle ngokuhlobisa.

Ngiphe nam ithuba lokukhuza

Ngithethise nam ngikhuzekile.

Ungangenzi ihlongandlebe

Elizoba inkalankala engafunekufuzwa.

Bavumele abazali bam bab’yisibuko

Nam ngibe yisibuko kwezam’ngane.

Umthathi azale umthathi

Angawuzali umlotho njengama hlalakhona.