KUBE USAKHONA

Kufa wangiphuca igugu lempilo yami

Ngihlezi ngehla izinyembezi, ngithi kube usakhona

Kube ubungaza impumelelo yami

Kube uthi ukuzala ukuvelula amathambo

Kodwa mdlavuza wawungeke ulinde ngikhule

Wawungeke ulinde ngiphothule izifundo zami

Wawungeke ulinde ngimakhele umuzi umama

Kungani ukhethe yena?

Kube usakhona kube ulilizela njengabo bonke abazali

Kube usakhona kube uyaziqhenya ngami

Mdlavuza kungani ushaya isisekelo sempilo yami?

Ngiyophila kanjani kulobuhlungu?

Ng’yoke ngiphinde ngithole injabulo

Ngaphandle kweyomzali

Kube usakhona mama kube ngiphelele

Impilo yami iqhekekile ngenxa yomdlavuka