Ndiziva ndidandathekile
Ubomi bujikile
Izizwe ngezizwe zindifulathele
Ingqomdo iyabubona ubomi obundifaneleyo
Wawundifunani sichitho
Ngenxa yakho ingcinga zam ziphelela emoyeni
Kuba wena uyandibekelisa ebantwini
Banxapha bathufe bakundibona
Bathi nali eli xelegu lomfana
Ndithule ndithi xola ntliziyo
Ngoba wena uyayazi inyaniso
Ubuncwane bokuphila andibazi ndibuva ngembali
Kodwa ndohlala ndisethembeni
Kuba lidanisa lingabulali
Khona bakufika ndakubu qala ngaphi
Sekulithuba noko ndingena bomi
Eloxesha iminyaka iyahamba
Ndifuna ukubayi ndoda ngokupheleleyo
Kodwa wena uyandibamba
Suka endleleni yam ndishiywa lixesha
Ubomi abumanga
Ndiyintsini nako ntanga
Sichitho kanti awudinwa wena
Yehlisa ulaka kwanele ngoko
Nam ndiyafuna ukungcamla ubomi