Ndicela ukuguqa ngedolo
Ndithethe ndiphalaz’imbilini yam
Nindibolek’indlebe ndiziphe ukutya kwazo
Ndiyazidla ngemvelaphi yam
Kubalulekile silulutsha siyaz’imvelaphi yethu
Ukuze sazi apho sisuka nalapho siyakhona
Masingalahli imbo ngophoyiyane
Mna ndizidla kakhulu ngeyam imvelaphi
Ndinebhongo neqhayiya ngayo
Amathunz’anabile alisekho ixesha lokudlala
Akubimnandi xa usiva abany’abantwana bezingomb’isifuba ngemvelaphi zabo ube wena ungazazi apho usuka khona
Masifundisaneni ngemvelaphi zethu Mzontsundu ukuze sizokwazi ukufundisa nezizukulwana zangomso
Masiwahloniphen’amasiko ngoba bubom bethu obo
Aphelelaphi na amasiko akuthi
Siphulukene nawo ngaliphi na ixesha
Masibuyel’embo lutsha lakowethu
Sithath’amasiko wethu siye nawo phambili
Vukani sizwe sakowethu
Vukani bantwana bomgquba
Itshabalala njani imvelaphi yethu sijongile
Masimanyaneni sibuyisel’imvelaphi yethu
Makube njalo Ma-Afica amahle
Ngokwenje njalo sibuyis’isidima sobawomkhulu
Amasiko nezitheth’awaxatyuswanga nje ngamandulo
Mqsizingceni ngamasiko wethu
Singayintoni na ngaphandle kwamasiko
Singaphila njani na ngaphandle kwezithethe
Amasiko ngawona achaz’ubomi bethu
Masingawatyesheli siwaxabise
Masihlonipheni imvelaphi yethu