Ḓiphine zwino u kha ḓi vha munu
U ḓifhelwe musi vhutshilo vhu kha ḓi vha vhutete
A hu nga ḓo vha na vhuṅwe vhutshilo
Nga nnḓani ha u ḓi ṱhogomela.
U dzima mulilo u fhisaho khanani
Vhunga vhutshilo vhu tshi vhila sa mutuku
Zwa ḽifhasi zwa u rembutshela
Thetshelesa vha lingedzaho u u laya.
Ho vhifhaho u kande u tshi fukedza
Uri maswina au a xele nḓila dzau
U ḓo shanduka musandiwa
Vha tshi u vhengela zwine wavha zwone.
Tshi sa u tendi u tende tshi u fhire
Maṱo one u vale u nge bofu
Mulomo o thivhe u nge tshimumu
Nḓevhe yone u thivhe u nge dzinganḓevhe.
Vhanzhi vha ḓo u amba vha ri u tshihole
Ngeno iwe u tshi ḓivha nga zwa vhutshilo
Lwendo lwau ndi lwa vhutshilo hau
Tshau nga hu vhe u ṱahulela yau nḓila.