Dulang fase le nabe maoto ke le selele dijo tša theto.

Ere ke rete kgarebe ya mmala wa sebilo, ngwana thari ya se Afrika.

Ke kgarebe ya mahlo a go aga lethabo

Yo a rego lešata o le dira fela ge a opela mmino wa lerato.

A re nna ke Mologadi ke ngwana mosadi wa MoAfrika.

A re ke kgarebe ya go ithata le ge ke sepela ke sepediša go kganya.

Nna kere ke mosadi wa go godišwa ka lerato.

Pelo yaka e bone phološo ya Morena ka yena.

Ke sebopego sa Legodimo mo lefaseng.

Ka leleme la maphakga bare "My heaven on earth".

Leratorato ke ithuta lona ka wena Mologadi.

Bare mmapelo o ja serati efela mo go wena serati ke se sennyane.

Morena ke go leboga kudu gobane le nna ke iphumula ka ntepa ya mosadi yo Mologadi.

Monna wa bohlabela o re "kgope tshwela mare diatleng o phumole ka kgeswa la gago".

Le nna ke iphumula ka le borutho.