Morena mpoloke!
Morena ela hloko meokgo yaka!
Meokgo yeo e keleketlago e sa eme.
Goreng Morena o mpogiša ka ba babe?
Morena goreng okare nna ke swanelwa ke tše mpe!
Morena o ntshwarele!
Ntshwarele dibe tšohle tša bophelo bjaka.
Gobane le go phela gaka go fetogile sebe!
Katlego yaka e matsogong a ba babe!
Ke no leboga hlabo ya letšatši le bophelo.
Morena mphe lesedi
Ke nku ye e hlahlathago e sena pele le morago!
Ke fetogile kgobošo mahlong a dira le manaba.
Ke bitšwa tlhatlhariane le ge ke sa tsebe gore ke eng!
Bare Modimo yo ke mo rapelago ga a phele…
Morena o ntšhegofatše
Le nna o ntšhegofatše.
O šegofatša manaba a ka pele gaka.
O ntšhupetša ka menwana ya baloi baka eka lenaba ke nna!
Rothišetša lerothi la katlego le nna ke bone tšwelopele ya bophelo.
Morena o ba gaogele
Le manaba a ka ke a kgopelela bophelo
Ge ele nna ke tla ikakatlela ka la gore Ke na le Modiša ke tlabe ke hlokang
Gobane yo ke mo rapelago ke yo a ipitšago Jehovah ebile ga a palelwe.
Ke Modimo wabo Abraham, Isaac le Jacob.
Morena ela hloko mahloko a pelo tša rena.
Hle meokgo ya rena ebe ya lethabo,
O se re swarele melato efela o re lebalele.
Re dira diphošo ka mehla le mabaka.
Morena o seke wa re otla re sa le bana
Amen!