Yithi tu! Yithi tu! Thula yithi tu, moya wam!
Sukundililela, sukundincwinela!
Musa ukukhala, ewe pheza ukulila
Abushwatyulelwa ubomi, asilahlwa isono
Misa isiseko sobomi, shiy’intloni
Yomelela, khuthazeka
Nonelela, ungalahlekelwa
Ungalahli imbo ngophoyiyana
Ungasweleki kukuminxwa zinyembezi
Isijwili sovalo, hlis’imibilini
Thath’isibindi uphinde unyathele
Ungarhoxi ukhalale ubushwankathele
Ukhathale bubomi obu buhamba busithele
Nyamezela ubelikroti, idelakufa
Coselela ungaphaphathekiswa kukothuka
Yiba nethemba wamkele