Ungithandile, ungithandile sathandana
Indlela ongithande ngayo ngiyabona ukuthi sisazohlalisana
Inhliziyo yami uma ibona eyakho iyacwila kulomfula wothando
Ogeleza phakathi kwami nawe
Ngikuthandile, uthando lwami nawe lwehlukile
Lufana nembali eqhakaza ogwadule engasoze yabuna
Ungithandile indlela engibona ngayo sengathi ungidlisile
Sthandwa sami ngikuthandile
Ngikuthande ngolumangazayo
Oludlula ulwandle nemimfulakazi
Uthando lwethu lusha ceke
Lumhlophe qwa
Luthuli luthe cwaka
Uthando olusha
Thina sengathi siyaqala ukuthanda
Uthando lwethu sengathi elokuqala
Ukube ngazi kangcono ngabe ngithi ungidlisile
Phela mina le eyami inhliziyo besengiyikhiyile
Isikhiye ngasilahla lapho nami engingazi khona
Ukuthi wena usithathephi ngifisa ukwazi
Phela baningi abesebengene baphuma bephula le eyami inhliziyo
Ngithembe ukuthi wena awusiye omunye wabo
Phela mina besengizitshelile ukuthi angeke ngiphinde
Ngivumele umuntu angene kulena yami inhliziyo
Kodwa wena ngikuthuka usungaphakathi
Nami angazi ungene kanjani
Sthandwa sami ungithandile
Ngikuthandile salwakha uthando olusha