Ndi thambulo ḓe yeneyi?
Ine u guma ha vha gonobva
Gonobva ḽi pwashaho ṅongo
Ṅongo i remisaho vhumuthu.

Naa i ḓo guma-lini?
Thambulo i sa nangiho
Hune dakalo-zwililo ḽa thunyuwa
Sa maḓi a mahovhohovho
Lwa Tsioni ra renda.

Ndi thambulo-ḓe yeneyi?
Ine na vhaheḓana ya sa londe
Tshayo ha vha u zhongondedza
Na zwi si na vhuḓiambeli.

Naa i ḓo guma lini!?
Mukumbululo u kumbaho na zwo faho
Muṋe kha imise tshanḓa
Vhumuthu vhu ime vhu ri tsakate!