Ndo ni vhona ni tshe kule nda ni takalela,
Ndi sa ḓivhi uri ndi nga swikisa hani maipfi
A lufuno lu nungunelaho sa mutoli
Wa ṋotshi dzo rafhiwaho nga murafhi-makone
Khathutshelo ya mbo na kha inwi sa ṅwando
Maipfi anga na a kuvhatedza nga khwakhwa dza lufuno
Lu pfadzaho muḓifho wa zwo koḓelwaho
Mbiluni nda khana sa tshinana
Nda fhufha nda ḓiludza sa tshi xele,
Vhahura vha vhuya vha zwi sola
Vhe tshinakaho a tshi yi thambo
Hone lufuno lwashu lwa ḓi khwaṱha lu tshi ya
Mufunwa, vhugala ha dziṋaledzi a vhu fani
Nṋe na inwi ri penya sa dzwirigondo.