Dzi sia mukwita
U vhonwaho nga vha re murahu
U songo tenda vha tshi redza dzau khando
Tsha khwine ndi u kanda phanḓa

Wa fara ya tshitavha
Dzungudza u livha thopheni
U songo sedza vhubvo
Ngauri u ḓo furalela vhuyo

Tshimbila nga au mapetwa
Wa piringedzwa vuwa u fhufhure
Poidza sa iṱo ḽi tshi vhuvha mutshoi
U songo tenda u ṱovhowa tshoṱhe

Sa kholomo birimani ḽa maroroma
Ḓivhazwakale i bveledza zwivhuya
Kondelela, fhaṱuwa, u tende u nangavhedza
Ḓuvha ḽi ḓo swika

A ḓi netisaho ḽi ḓo phopha
A lilaho miṱodzi i ḓo shuluwa
Zwa vhaisa vhalavhelesi
Zwa takadza vha ḓivhaho
Zwi dunga u fana miṱodzi na biko
Hu fhambana malamba ane a wanwa.