Lufuno haye lufuno!
Wo dzumbama ngafhi ?
U bvungwi zwingafhani u sa ri swikeli?
Ro hanganea ra vhuya ra kumba na zwisili
Khezwi namusi ri sela nga hu no bvuḓa

Vho ḓa nga dzina ḽau
Vha ita zwi sa u ṱalusi
Dzimbilu dzashu vha thuba
Sa fobvu ḽi sa endi ḽi tshi sia vhuṱala
Mikosi ine ra ṱavha i pfiwa nga mapfeṋe

Ntswu ro fuka ra vhuya ra nzwinzwimala nadzo,
Nge zwalo dzinani ḽau zwa simesa u anda
Vho fela u funa
Ngeno lufuno vha sa lu ḓivhi
Zwe vha vhona ndi mafanedza maṱo a nzie

Lwone lwa vhukuma lu ḓo thubwa nga nnyi?
Vha funanaho vha tshi nga mmbwa na tshimange,
Zwiḽiwa na u ḓifha hazwo e magalangapasi,
A vha nṋe a thi athu u fulufhuwa
U mona ha shango ndi tshiga
Tsha uri lufuno lu ḓo tendeleka kha vhoṱhe.