Ubuhle bemveli, bosula intliziyo bungathethanga.

Lixilongo lobizo, luchukumisa imizwa ushiyeke umomozela.

Ubuyintoni na wena ungachukumiseki?

Bubuhle obugqibeleleyo.

Bubuhle obungapheliyo ntonje buhlala unaphakade.

Bubuhle bemibhalo edibanisa uluntu lube lunye.

Bubuhle obusuka kwintliziyo impompoza,

Buqhakazelisa umphefumlo.

Nqwa neNyibiba ubuhle bayo.

Sisiphiwo esingapheliyo, esingatshabalaliyo maxawambi xa usithanda.

Lusiba olunikwe ngabadala kungekho namnye onolithatha.

Kuthi “nco!” Ngaphakathi kuba lento isinika ukuthula emoyeni.

Bubuhle obunzulu obungunaphakade.

Tyhini! Bayaqala bayangqina ukuba yeyosiba ngokwenene