Ucula ingoma yelutsandvo lenongotelako,

Ushelela kamnadzi emhlane wetimbokodvo.

Kusukela etulu wehle,

Awatiwa lapho utelwe khona.

Phansi ngesivinini ushona khona.

Etandleni takho tilwane tinatsa imphilo lengapheli.

Kuhloba kwakho kulapha tiguli.

Uletsa litsemba ngem’bala wakho locwebetelako kulabacalekisiwe.

Imilingo iguculwa ibengcwele emhlane wakho.

Emaswane afihlwa madvute nawe

Achubeke ageletele emazwulwini kanye nawe.

Lingekhatsi lakho umhlaba wemimoya lengcwele.

Ungulapho labanganalivi batfola khona kukhuluma,

Lapho emehlo alabangaboni ahleli khona.

Umangeleti langana kuphelela,

Njenge bukhulu basimakadze lobungeke baphela.

Uyowuhlala ukhona ngoba usikhatsi semhlaba.

Umuntfu wayenta emahora

Ngobe esaba kuphila ngaphandle kwesikhatsi,

Ngako ngishaywa luvulo

Mangicabanga ngekungabi khona kwakho,

Kwatibani ungakwata ungasibulala sonkhe.

Phela imphilo siyitfola kuwe

Kungako sisesikweletini lesikhulu nawe.

Ngiyatsemba luvelo lwakho ngete lavuka lulaka

Njenge ngenhletiyo yemuntfu lekhohlakele,

Kuyangetfusa mangicabanga ngilahlwa nguwe,

Ngilite umangitovuka ungasekho wena.

Njenge mangeleti ungumtfombo lonokutfula lokuphakadze.