Ukufa akwamkeleki kalula
Ewe, leyo yindlela yokuphila,
Kodw’ ukufa akuqheleki
Kuhlala kusimangaza, kusothusa,
Kodwa ke, siyaxola.
Ngawe akufani.
Iphele ide ilanda isilimela iminyaka,
Kodwa kuyfana.
Andixoli, andilibali
Kodwa, ndamkele.
Uncumo lwakho undijonga okokugqibela ngawenyama
Ndisiva uthando nentlungu
Ngoba kaloku iindlela zakho ekuphileni
Zaba ngumda, zasohlukanisa
Andilulibali, luhlala lundincatheme
Ndimana ndisithi akwaba.
Akwaba ndandikuxelele konke okusentliz’weni
Uhambe uqinisekile ‘ba ndiyakuthanda
Kodwa ke, ndiyethemba uleli ngoxolo
Ndiyethemba uyalubona, uyaluva uthando lwam
Ngoba kaloku olwakho uthando,
Nanamhlanje ndisaluva,
Lolona luyinene ndilwaziyo.
Akwaba ndandikwangile,
Ok’ okuba ihlekisane okokugqibela
Kodwa sowuyawuqhuba, ulale ngoxolo.
Amazulu akungxamela.
Phumla, uyilwile, Tau!