Uze ungayeki ukuthandaza,

Kukuhle ungayeki ukuthandaza,

Kukubi ungayeki ukuthandaza,

Uze ungakhohlwa ukuthandaza,

Cela kuSomandla zikhathi zonke,

Uzokuph’amandla okunqoba konke,

Ngamandl’onaw’uyonqoba ngomkhuleko,

Umkhuleko unamandla okunqoba,

Sibakhulekele abasezibhedlela,

Sibakhulekele nabantwana bethu,

Siyikhulekele nemindeni yethu,

Nezihlobo zethu sizikhulekele,

Nabangani bethu sibakhulekele,

Sikhulekele abasemajele,

Sikhulekele imimoya emibi,

Sikhulekele iNingizimu Afrika,

Sibong’esikutholile ngomkhuleko,

Sicel’esikudingayo ngomkhuleko,

Sikhulekele nezilingo zethu,

Nabaholi bethu bading’umkhuleko,

Nabazondi bethu bading’umkhuleko,

Sikhulekele nabafundisi bamanga,

Izangoma nezinyanga zamanga,

Sibakhulekele nababholofith’amanga,

Sikhulekele izinyoka zezinyaw’ezimbili,

Sikhulekel’ukubuya kobuntu kumuntu,

Sikhulekel’ubulwane obukubantu,

Nom’usuphumelele ukhuleke,

Uvuke belele ukhuleke ngamandla,

Kukhon’abakhulekel’amandl’onawo,

Ngamandl’onaw’ukhulek’ungaphezi.