Bendijijitheka, ndiqaqa
ndixel’ithamsanqa!
Aaaah! Inkosi indivile, bendisoloko
Ndingumasindwa zinyawo ngenxa yemeko
Endikuyo.
Bebengandazi ndisisiciko seyiphi
Imbiza kodwa ngoku sebesela
Nam esizibeni esinye.
Zazehla zimpompoza ndakucinga
Ngemeko endibhekene nayo.
Kungoku sekwehla ezovuyo
Tyhini! Andikholwa ndim nyani lo
Wayengathi wavuvuzelwa ngehlupheko.
Halala! Ndim, Halala!
Ndiphumil’ehlathini lobukhoboka.
Usukile lo ubendisinda emagxeni
Ndiphumile kwelosango linameva.
Kaloku bendiyidonki phakathi
Kwelasango ndisebenza ngokuzikhandla
Ngenxa ndicengile.
Belivela litshona ndime ngazo zombini
Ndibile ndimanzi ndizama okuya ethumbini.
Udlul’umtshologu, udlule! kuthekanti
neCamagu livumile