Phumula dikeledi ngwana ‘a dikoti marameng
Metša meokgo bohloko bo ye le pelo
Amogela gore bophelo ke lebilo
Amogela gore go diregile, ke phetho
Marumo o be o beakantše
O ikemišeditše phenyo
A e le go lwa o lwele
Tlou yeo e no ba e go bekile
E bile le maatla e go fentše
O be o itshepa ka ge o le sekgwari
Empa le dikgwari di no ya tša hlolwa
O se ke wa iša pelo mafiša
Makgona ke maboeletša