Ngikhale kwanele

Akusaphumi zon’izinyembezi.

Nezwi lami seliyahoshozela

Kade ngimemeza bengangizwa.

Ngilamuleleni ngilamuleleni

Ngaze ngafa ngingone lutho!

Nezingalo zami azisaphakami

Ngiziphakamisile ngiqhweba

Kodwa akekh’ongibonile.

Lana ikwamhlaba

Umuntu ubheka umugqa wengub’yakhe.

Baze bakuphimise

Bathi ngingenaphi.

Bakhohliwe isondo liyajikeleza

Nam langikhona angizibekanga.

Okwakobani ukulala ngezinyembezi

Uphinde uvuke ngezinyembezi.

Nokudla akusehl’ephinjeni

Usugcwele izilonda.

Ababengithanda sengiyabanukela

Sengiphendukelwe nangowayethembis’ukungivikela.

Ngimbizile UNkulunkulu nedlozi

Kodwa kwanhlanga zimukanomoya.

Ukuzibulala ngeze kungisize

Ngoba vele sengifile ngihamba.

Bagubha injabulo

Mina ngigubha usizi.

Ukube ngangazi ukuthi uthando luyahlaba

Ngangobaleka ngazozombili.

Ngaluthwa igama “uthando “

Namhla sengiphenduke umzondo.

Sengikhale kwanele

Owangichitha ngesichitho angazi

Uthini uma engibona ngikulolu sizi.

Nkosi muphe unembeza angithethelele

Noma ngingazi ngamona ngani.