Iimpilo zethu zifile,

Siphila okwesirhogo.

Lapho kubonakala ilanga liphenduka ubusuku,

Ngaphambi kobana ilanga litjhinge,

Ngombana ilanga libhadelwe bonyana litjhinge msinya.

Lapho imali ibaluleke ukudlula ubuphilo bomuntu.

Akusananto ekhamba kuhle,

Akunanto esebenza kuhle, ngombana kungekho iinsebenzelo ezaneleko.

Imali isebenzela iimphathi mandla kunabantu emphakathini, labo abatlhogako.

Ngenelela Zimu, vikela iSewula Africa, vikela iphasi lakho.

Ngombana nakuzimphathi mandla, ziphethe amandla wokuziqala zona zodwa, kungasi abantwana bakho.

Baqwele umrhobholo, ngitjho nesirhawu abanaso.

Nabubumnyama bona siphila kibo, kube bona bazigedlile ebukhanyeni.

Imini ngeyabo,

Thina siphila ngobusuku.