Iqale ngesikhalo.
Ndandisitsho esifana nemfiyo
Kuve ilali yonke
Zenzeka izinto yaphela yonke lonto.
Bathi engakhaliyo ifela embelekweni kodwa
Xa ulila uyathuliswa .
Senzeni kanti sikhale?Singakhali?
Jonga ngoku imiphumo yokuthulisa kwenu
Esam isikhalo asiviwa nandim.
Inyembezi ziyehla kodwa isikhalo asikho.
Ndifa ngaphakathi kuba akhonto endikwaziyo
Ukuyikhupha.
Intliziyo yam idumbile iyaqaqamba ilihlwili
Intlungu yam akukhomntu uyibonayo noyivayo
Ngoba kaloku andikwazi kulila
ndikhwaze intlungu yam.
Ndithini ndilile okanye ndingalili?
Olilayo libhetye bhetye ,olungakhaliyo
Lufela ebelekweni ,ndithini ndiyabuza?
Nditsho ngesikrakra kujonge umhlaba wonke
Okanye ndithule ndibelolu lufela embelekweni?