Mma ke mothopo
Ke leswika la motheo
Ke mo mphumula meokgo
Ke mohomotši go bohle
Mma ke meetse a mokgako
O timola lenyora go ba ba nyorilwego
A ba nea matutu ao a tla ba kgodišago
Ao a tla ba lebatšago mašuana a lefase
Ao a tla ba neago maatla a bophelo
Mma ke mmago setšhaba
O pepile magoši le batseta
O beputše mathari le masogana
O ba beputše ka thari a ba nyantšha letswele
Ke yena moledi wa lefase ka bophara