O tlogetšwe o sena molato!
Seriti sa gago se nyefotšwe ka lebaka la maaka!
O tšhephišitšwe legodimo le lefase
Eupša tšeo e be e le boradia,
O go radiile gore a hwetše seo a bego a se nyaka
Pelo yona e tlogetšwe e rotha madi
Tshepo le kholofelo ka bophelo ga di sa le gona.
O tlogetšwe o le maratha o sa bontšhe gore o lebile kae
O go tlogetše gomme seo sa thabiša manaba le dira tša gago
Bophelo go wena bo bile boima
Bagwera le bona ba ile ba thoma go sesefala
Batswadi ba fetogile bagwera ba gago
Ka ge e le tsela ya go o hlohloletša maimeng ao o lebaneng le gona
Ba leka ka mehla le mabaka gore o fetoge
Se ba felele pelo, ba fe sebaka
Se ba nyamiše fetoga, o nyamiše manaba!