Lesogana la go ema ka dinao
Lona la lebalana le lesehlana twaa!
Kgaetšedi ya makgarebe a ka mošate
O reng o iphetošitše seatla ntepeng?
O reng o sa ipabalele o itirile sekgothamerogo?
Tšhemo o tsene tšohle ga ešita le mošola wa noka
O reng o sa ikgale wa tlogela go galala
Hlaola ye tee ntepa o thabišane nayo samme
Hlaola letšobana le tee le go thabiše
Ke ra ge o nyaka go gola wa tla wa bona ditlogolo
Nka ja mo nka nona e a bolaya e bolaile bo Mohlaloga
Le bona bo Hlabirwa ba ile ba re ba leka go gata fao
Ge ke bolela ke dikoma dipilisi ba šetše ka maratswana
Itlhokomele lesoganatsoro le lesehlana ka mmala