Mama
Uyiqhawekazi lesikhukhukazi,
Uyisikhukhukazi, usibindi gidi,
Unesibindi weqhawekazi,
Unokubekezela weqhawekazi,
Ungumpheme wokuphephela,
Uyihawu lokuvikela,
Ungumthombo ongashi,
Isiphethu esigobhoza sigobhozile,
Ubani onenhliziyo emnene njengeyakho?
Ubani onothando olwedlula olwakho?
Ubani onokubekezela okudlula Wena?
Akekho! Akekho! Akekho!
Ngingekufanise Nalutho
Kuthi angigiye,
Kuthi angigiye, uma ngikucabanga,
Unemfudumalo
Unothando,
Wanelisa izidingo zenhliziyo yami,
Akekho ofana nawe,
Akasoze wabakhona.
Ngyabonga,
Isandla sedlula ikhanda.