Bontate ba lla sello sa mahlomola

Basadi le bona ba tšholla meokgo

Ka lebaka la go kwa pelo bohloko

Ka lebaka la go rata motho ka pelo

Ka lona lebaka la go ineela mothong

Ba ba kgobotše dipelo di ela madi

Ba ba tšhetše phori mahlong ba ba hula

Ba ba tsentše dikolo ba rutegile rutege!

Ba re go šoma ba ba nyenya ba ba katoga

Ba ba tshwela ka mantšu a bogale

Ba be ba dirišwa ke lona lerato

Le tla go dira sona sefofu sa Jeriko

Wa ipona o tsoga le noga ya mokopa

O sega nayo o e bitša moratiwa

O tloga o e beile matsogong a borutho