Ngabona ngemehlo uvutsa emalangabi,

Ngabona tikhali letimhlophe tihlengetela ematsi,

Ngeva umhlaba ugidza laph’ unyatsela khona,

Ngeva ugidziswa bukhulu bakho,

Umphefemulo wakho mkhulu awulinganiswa.

Ingubo loyigcokile icinile, ifudvumele,

Sililo sakho sivakala umhlaba wonkhe.

Akukho indlebe lengeva kubhodla kwakho.

Lapho undlula khona kubaleka labangaphansi kwakho.

Indvodza lesabeka mhlaba wonkhe,

Umphatsi longalali ebusuku nasemini.

Ukukho lophunyuka emlonyeni wakho,

Phela uyinkhosi yamakhosi,

Konkhe kubutwa kuwe,

Ingani unguye umnikati wentintsaba Nkosibhubesi.