O llela eng wena ngwana dikoti marameng?

O se ke wa ikopiša pelo ka lefeela,

O se ke wa ikweša bohloko,

Lefaseng re batho re lebane,

Re matlapa a re balege,

Banna ke mabele,

Basadi ke matšoba,

Re fapane ebile ga re lekane,

Ga re swane.

Batho ba tlo go rata,

Ba ka se go rate ka moka,

Batho ba tlo go hloya,

Ba ka se go hloye ka moka,

Batho ba ka go kgothatša ge o lla,

Ba ka se go kgothatše ka moka,

Bophelo o a bo amogela.