UBhekizizwe uphuma emsebenzini ufica uBhekani epheka.
Bhekizizwe:Bafo , usubuyile njalo.
Bhekani: Kade ngibuyile .
Bhekizizwe:Wapheka kwenzenjani?
Bhekani:Ngithe nje mangipheke , ngiphumuze intomb’endala.
Bhekizizwe: Pheka mfana Kodwa upheka okokugcina ngoba kungekudala sizophekelwa intokazi enhle,ewuphumalanga sikothe.
Bhekani: Uthini kumina Bafo?
Bhekizizwe: Namhlanje ngihlangane neny’intokazi.
Bhekani:Hayi kushuthi umkhulu uMvelase ubenathi nanamhlanje ngoba nami kune shandapha engihlangane nalo , impela mangase ulibone ungadliwa umona.
Bhekizizwe:Nami ngisayogeza ngoba kuzomele ngimfonele u MaMkhize .(Aqonde ekameleni afike ageze , bese afonele uSindiswa)
Bhekizizwe:Hawu Phumalanga sikothe , Ukahle kodwa?
Sindiswa: Bhekizizwe , Ngikutshele nje ukuthi ungangifoneli ungangitshelile , ubuzokwenzenjani ukube bekukhona umama.
Bhekizizwe: Umbuzo omuhle loyo ngoba bengizomtshela Ukuthi kungekudala izinkomo zakwa Mthembu zizingena emagcekeni akwa Mkhize .
Sindiswa: Usuqalile me , Bheki Ngicabanga ukuthi kuzomele ubuye ufone ngoba sengathi umama usefikile.
Bhekizizwe: Kulungile.(Avale ucingo, bese Aqonde egumbini lokudlela, ufica uBhekani uyaphaka)
MaNkosi:Hayi …ngiyoke ngizwe ukuthi yini le esizodliswa Yona la .
Bhekani: Khululeka Ma ngipheke i spaghetti and meatballs Ngathi ukufaka no cheese ngaphezulu.
MaNkosi :Engabe ngizosutha yini Nkulunkulu Wami , ukube uvele wafaka amadombolo nje , hawu umshubo lowo.
Mnuz Mthembu;Bhekizizwe awubusise ukudla ndodana.
Bhekizizwe:Nkosi busisa lokudla esizokudla njengamanje ubusise nezandla ezikwenzile amen .(Badle) Mhm, Bafo kwaze kwamnandi .
MaNkosi:Hayi kumnandi Kona kodwa akufiki kwitshunu ebengisipheke izolo.
Mnuz Mthembu:Siyabonga ndodana , besesikhathele amadombolo nosu.
MaNkosi:Oh! Baba usho kanjalo, kodwa kube kunguwe ohleli uthi amnandi ayimfimvilithi yakho .
Mnuz Mthembu:Yebo ayimfimvilithi Yami Kodwa phela luyadingeka ushintsho .