SITFOMBE SEMSHADVO

sitfombe semshadvo sasala silenga edvongweni! Umfati wasala egulela embhedzeni! Indvodza ihambile nomakhwapheni! Kudliwa imali yempesheni phela umsebenti usuphelile! Indlala ekhaya isibhokile! Bantfwana eskolweni abakhokhile!

sitfombe semshadvo sasala silenga edvongweni! Kute kudla emabhodvweni! Indvodza ihambile nomakhwapheni! Tingane atikhokhile eskolweni! Umfati ugulela kufa embhedzeni! Waphela umshadvo ucedvwa omakhwapheni! Waphela umshadvo uphelela emoyeni! imali ekhayeni icedvwa omakhwapheni! Indlala ibhalwe emehlweni!

Sitfombe semshadvo sasala silenga edvongweni! Waphela umshadvo ucedvwa omakhwapheni! Yabhoka indlala ekhayeni, tingane taba ondinda-sthebeni! Phela imali ayibonwa ekhayeni! Phela indvodza ihamba nomakhwapheni!

Sitfombe semshadvo sasala silenga edvongweni! Washabalala umshadvo ucedvwa omakhwapheni! Wena owabona intfutfu iphelela emoyeni! Umfati ugulela kufa embhedzeni! Tingane ticakekile futsi kugcwele lusizi emehlweni! Bayatibuta ngabe tsine soneni?

Sitfombe semshadvo sasala silenga edvongweni! Ihambile indvodza nomakhwapheni! Inhlupheko ibhokile ekhayeni! Lusizi lubhalwe emehlweni! Kute kutfula etinganeni! Bayatibuta baphindze batiphendvule! kantsi nkosyami tsina soneni? Phela tono tebatali tiwela etinganeni!

BY ALEX ( UMBHALI ONGADUMILE)