Mo motseng wa gešo wa Modimolle go be gona le mosadi yo a bitšwago Mmatina. Mosadi yo o be a le bohlale ebile a na le maikarabelo. O be a dula motseng wa gagwe le monna wa gagwe le bana ba bona ba bane. Mmatina e be e le mosadi wa go rata go theeletša ge batho ba bagolo ba bolela. A theeletša tša goba bohlokwa le tša go sebe bohlokwa. Ke motho wa go tšea maele ge batho ba bolela dilo tša go ya ka tsela ye botse. 

Mmatina ke mosadi wa go rata kereke kudu, ebile o rata Modimo. Ge a le ka gae o be a iteletša dikoša tša kereke, le go  ipalela Bibele. Ka Sontaga se sengwe le se sengwe o be a rwala bana ba gagwe ba ikela kerekeng. Ele go leka gore bana ba gagwe ba gole ba tseba go rapela Modimo, le gore ebe bana ba goba le mekgwa e mebotse, le gore ba  ithute go hlompha batho ba bangwe. 

Kua kerekeng o be a balela bana ba kereke mangwalo a Bibele, Ebile e le yo mongwe wa ba lekgotla la kereke. Mmatina ebe e le mosadi wa go rata go swarela batho, le gore mo alego gona go dule gona le khutso. Ke motho wa go rata go phela le ba lapa la gagwe. O be a sa rate go phela le ditšhomi. O be a rata go ruta bana ba gagwe mešomo ya go fapanafapana ge bale ka mo gae. O ba thuša ka mešomo ya sekolo. 

Mmatina o be a ruta bana ba gagwe go hlatswa dibjana le go kolomaka ntlo le jarata,gore le ge a se gona ba šale ba  itirela dilo ka moka tše a ba rutilego tšona, ba seke ba šala ba sokola.