Ge ngwana a na le lengwalo la marematlou,o na le dibaka tse ntshi tsa go kaonafatsa bophelo bja gagwe.A ka tswetsa dithuto tsa gagwe pele,a ya unibesithi mo a ka ithutago mosomo wa gagwe wa ditoro.

Lesogana le ile la belegwa la begwa gomme la fiwa leina la Thamaga.E be e le lesogana la tlhompho le lerato.Toro ya gagwe o be a nyaka go ipona e le ramolao yo a atlegilego go swana le bo ramolao ba maemo a godimo mo nageng ya Afrika Borwa.O rile ge a tsena ka mojako wa phaphosi yeo a bego a yo ngwala dithuto tsa gagwe tsa mafelelo ngwaga a ipotsa mantsu a.

‘Ke swanetse go raga bodiidi ka maoto kua lapeng leso.Ke nna ke swanetsego go kaonafatsa bophelo bja go rutha ka sello sa tlala kua lapeng’Arealo ka pelong ya gagwe.

O be a ekwa bohloko ge a nagana ka seemo seo lapa la gabo le ruthago ka matlorotlorong a bodidi ka gona.Mmagwe ga a some mola a na le baratho ba tshelelago bao ba tomoletsego yena mahlo bjalo ka buti wa bona.Ba phela ka tshelete ya mphiwa feela mola ba se na tate.

“Ge nka se tswelele,ke tlo hola ke eng?.Bohlaki ke nnete bjo tla phela bjo nkapere?” Arealo a botsa yo mongwe wa mogwera wa gagwe Matome.

“O se itshose monna Thamaga.Ge o ka palela ke marematlou, o tla no bona gore bophelo bjo go swaretse eng kua pele.A gona seo se ka go sitisago go atlega mo bophelong ge o na le phisagelo.”Matome arealo nke o swere metlae.

Go ile gwa feta dikgwedi gomme dipoelo tsa se tswelele ka mokgwa wo Thamaga a bego a letetse.O be a sa tswelela gomme seo se hlatha gore o paletse.Morutisi a mmiletsa ka phaphosing ka pelo bohloko.Thamaga le yena a sekile meokgo a nyaka go rothisa meokgo.

“Ngwanaka,go diregile eng?”Morutisi Phala a botsisa a nolegile mooko.

“Ka gona mokgwa wo meneer.A ka tswelela ebile lenna a ke tshepe”.Thamaga a seka meokgo

“Ke be ke go tshepha ngwanaka empa a ke lahlele toulo go wena.Buseletsa o tla tswelela.”A mo gokara.

“Aowa meneer,ka mengwaga ye ye ke le go mo go yona nka hlwa ke boeletsa?.O ntlhotse marematlou,ke kgale ke tsena sekolo,ke bala empa dibukà di a ntatola” A thoma go lla.

Morutisi o ile a mo tsea a yo mo fa thobamatswalo gomme a ya gae a na le mantsu a tlhohleletso ao a mo thekgilego.Ge a fihla gae o hweditse bana ba gàbo bao ba bego ba kgobakane poleiting ka thoko ga mollo ba eja bogobe ka ditsie tseo ba hlwelego ba kitimisana le tsona mosegare ka mola.Merisana ya bona nke dithorwana tsa mabele.Ke dithorwana tse sehlanyana.

Pelo ya Thamaga ya re swiswi ge a tsena ngwakwaneng wa gabo.Ba tamola melala bana”Buti,buti,buti”Ba mo kitimela.Ba be ba gopola gore mohlomongwe ba tla hwetsa malekerenyana.Thamaga a sa nyake gore ba bone gore ga a thaba.A tsea fejane ya gabo ya mosemane a e bea sentlhole.Sentlhole ke go bea ngwana molaleng.Ba ya ka gae bohle.

“Thamaga, o sepetse bjalo?O tsebe o ka mpotsa gore o paletse”.Mmagwe a botsisa ka go tenega.

“Mma,o bolela bjang?o setse o nkahlola gore ke paletse?”.Thamaga arealo ka lentsu le boleta.

“Akere a wa ikemisetsa ka selo.O ka dira eng se sekaone?.O no swana le tatago gape ke a go tsena.”Mosadi o be a thomile masata a gagwe

“Ke paletse empa ke yo buseletsa mma.Le sa lahleleng toulo ka nna.”.

Mosadi o ile a swara hlogo a pshatlaganya tsohle di bego di le kgauswi ga gagwe.A tlatsa lesata ka ntlong.

“O setlaela Thamaga.A o rate go bona ke tswele ka gare ga bodidi.Ke maikarabelo a gago go ntsha bodiding bjalo ka ge ke le mmago empa o reng o ntira soh” A thoma go lla.

Thamaga o be a sa tsebe le yena gore a ka fetola dipoelo bjang.O be a sa tsebe gore ge seemo se le bjalo a dire eng.A leka go homotsa mmagwe yo a llago.

“Go tla loka mma.” O rile a sa leka go swara mmagwe mo magetleng a leka go homotsana naye empa mmagwe a mo kgapha ga sehlogo ka seatla.

“O se bolele selo lenna.O be o sa bale empa o raloka kua sekolong.O swana le tatago wena.Le nyaka go mpona ke hlaka bophelo bja ka ka moka.A le nyake go nthusa,tatago o ile a ntlogela o sa le lesea.A sa nyake gore a ntlhokome le wena”. A lla ga sehlogo.

Thamaga a tswa ka lapeng ka pelo bohloko a ya ga Matome.Matome o be a tsweletse ka dihlora.O be a thabile ebile a ikemiseditse go leba unibesithing ya Johannesburg go yo ithutela borutisi.

“Ke maswabi mogwera ge o sa tswelela.Ke be ke dumile gore re tswelele gomme re lebe Gauteng mmogo.”Matome a realo go Thamaga.

“Empa ga gwa ba bjalo mogwera”.

Ba rile ba sa homotsana gwa tswelela mosetsana Beauty. E be e le lekgarebe la Thamaga.

“Dali wa ka,o phomeletse?.Gape ge o ka re a wa phomeletse go ra gore bodidi bjola bjo ikepetse kua mokhukhwaneng wa geno bjo a go kgahla”.A sega.

.”Ke nnete.Ga ka tswelela empa ke yo boseletsa”.Arealo ka manyami.

“Go buseletsa a go na mohola.Le wena ka bowena a o na mohola”.A tlatsa lesata ka go tenega.

Thamaga o ile a ekwa a se na maatla a go phela.Mmagwe ga a nyake go mmona mola le lekgarebe la gagwe le mo hlapaola.O ile a leba thabanyaneng ya kgauswi.A hwetsa mohlare o motelele.A namela a ipofa ka lerala.A itekeletsa a itseela bophelo.

Bohle ba ile ba sala ba lla sa mma rare ijoo.Ba itshola gore nkabe ba file Thamaga thekgo.Mmagwe yena o ile a lla gwa go hloka bobono gobane ke yena mohlola tse di diregilego.