Ewe lento kakade yinton’ yalonto
Thina nto zaziyo asothukanga nto
Ibe ngumzamo wethu
Ewe ibilikamva lethu
Ndikhumbula umntana kamama
UNomathemba
Intombazana eyayithandeka
Ithi yakunyathela kugobe ingca
Nam ndizingca ngaye
Kowu uNomathemba wayethandeka
Ubuhle bakhe bungabaleki
Ibethi akunxiba limhlale ilaphu lomlungu inga lithungelwe kuye
Watshona eKapa uNomathemba ngenjongo zokufunda
Amthatha amaqhawe aseKapa amenz’owabo
Wayilibala ayiyeleyo
Ebengasakhweli izithuthi zikawonkewonke, ebelandwa ziimoto zodidi
Kowu uNomathemba waphela kujongiwe
kambe sebembiza ngokhukho labahambi
Yini uNomathemba ukusiphoxa sisambuka
Suka wabhena kanti uzithwele
Baphoxeka abazali
Yini Nomathemba ukusinika ithemba kanti uyasibhanxa
Namhla umzi kabawo uziintloni
Ubuhlanti ubuvule ngaphantsi
Oo cinga umzi kabawo