Khangela ubude nobubanzi bentliziyo yakho,
Ewe ndithi kuwe kokosa ulonwabo lwakho,
Uwuphethe ngesakho isandla umthombo wolwakho uchulumanco,
Yeka ke ukuzenza int’engento.

Bayeke abafunayo bakubaleke,
Ewe bavumele bathi qelelele,
Khumbula ukuba owokwenene umhlobo soze akulahleke,
Kaloku yena unawe mhla unkenenkene.

Yintoni lento yasoloko inguwe owolula isandla?
Kutheni lento uthanda ukuzenza isibhanxa?
Awazi na ukuba ubuhlobo bukhona nasekhaya?
Kungani na uvuya xa nabant’akwenu nizintshaba?

Vuma ke oosinga-mhlobo bakushiye,
Kaloku kubo awulilo elogazi kunamanzi lisuke lijiye,
Uz’ukhumbule ukuba iimpukane eziluhlaza zingasondela kubolile,
Kodwa wazi ukuba ziya gwegweleza xa kuphiliwe.

Vuma basuke bemke kuwe,
Ndiyakuthembisa ngenxa yokwenjejalo angekhe uwe,
Isenokuba ngabo imbangi yokuba ezakho izinto zime bhunxe,
Ngeli linge mfo kabawo ndithi mandikucebise.