Meokgo e kgamathetše marama

Bakgalabje ba kgiritla sello

Bakgekolo le bona ba lla sellallane

Ba hwibitše mahlo ke a mahubedu

Bana ba bona ba latswitšwe ke mollo

Ba be ba tlile go selasela mo Afrika Borwa

Ba nyaka bophelo bjo bo kaone

Ba tlile dithutong tša godimo

Gore ba kaonafatše maphelo

Empa mollo wa ba bontšha mebala

Ba lahlegetšwe ke maphelo

Ke yona thato ya morena