Go botlhoko go tlhoka motho yo
O ka buang le ena.
Go botlhoko go tlhoka legetlha le
O ka llelang mo go lona.
Go botlhoko go tlhoka motho yo
O ka phimolang dikeledi tsa gago.

Motswana o ne a re “ngwana yo
O sa leleng o swela tharing.”
E fela ke tla dira jang?
Fa ke kopa thuso ke neelwa mokotla?
Ke tla dira jang go se na ope
Yo o ntholang morwalo?

Botlhoko baka
Ramasedi ga a nfetise mo dikgwetlhong
A be a ntlogela fela jaana.
Se ke nngwe ya diteko tsa gagwe.
E tla re fa ke setse ke di fentse
A be a ntshela ka ditshegofatso tsa gagwe.