Suk’ enhlizyweni yami
Sikhwele esingiphethe
Kade wawungibusa,
Ungiphehla njengozwathi,
Kuze kugqamuk’ umlilo
Suka uphele kimi
Phuma enhliziyweni yami
Sikhwele esingidl’ inhliziyo
Mlil’ ovuth’ ilangabi
Kowesifazane okhwelezayo
Ekhwelez’ efa
Phuma uphele kimi
Phuma’ enhliziyweni yami
Sikhwele esingenza ngibalise
Ngilale ngingalele ebusuku
Imicabang’ ikhiphan’ okwamanzi
Ngibal’ izintingo zelawu lami
Phuma uphele kimi
Suk’ enhliziyweni yami
We sikhwele esingiphethe