Ngiyavivinywa ngiyalingwa ngisehlane,

Nilele nonke abanye baze balele ngomhlane,

Nilala kanjani kuzalwa onginway’emhlane?

Namuhla usuku olukhulu noluyisibusiso,

Zazimbili kuNhlangulana ngosuku lezibusiso,

Namuhla usuku lomgubh’om’khulu lwezibusiso,

Namuhla kuzalwa isthandwa sam’esikhulu,

Isthandwa sami engisithanda kakhulu,

Isithandwa somlilo siyodl’abasizonda kakhulu,

Namuhla sizoba nedili elikhulu, sibuse kakhulu,

Sibungaze usuku olukhulu kakhulu,

Sifinye ngendololwane sibuse kakhulu,

Sibonge kogogo ngisho nakomkhulu,

Sibonge nas’isibusiso esikhulu kakhulu,

Uyena ugogo mina ngizoba ngumkhulu,

Masithokoze thina sim’culele kakhulu,

Sibonge sim’celel’izinhlanhla kuNkulunkulu,

Namuhla kuzalwa isthandwa sami uB.N,

Isthandwa sami ngizosithengela i BMW,

Bath’uBuyi abanye bath’uNokuthula,

Mina naye ngifisa sizihlalele ngokuthula,

Emzini kababa ngizozihlalela nomaMyeni,

Emshadweni uyen’umakoti imina umyeni,

Sizoboph’ifindo likasofasilahlane nomaMyeni,

Ngibong’uMdali ngalentombi yakaMyeni,

Ukhule uze ukhokhobe maMyeni wami,

Sikhule nangothando lethu sobabili,

Ngithanda wena wedw’akekh’owesibili,

Ngikhethe wena soze ngicabange kabili,

Namuhla yena uyazalwa kuNhlangulana zimbili,

Izitha zethu ngizobabamba ngezandla zombili,

Abasakhela uzungu mina ngibabambile,

Sesiside lesikhathi thina siyibambile,

Ngiyakuthembisa ngiyoze ngife ngiyibambile,

Khula uze udle izinyoni zabantwana bethu,

Khula sthandwa sami, ukhule uze ukhokhobe,

Unwele olude Mdolomba wami, Mnguni!